|
იქ მინდა ახლა, შენა ხარ სადაც,
მე ჩამეშალა ისევ გეგმები,
და ჩემს სახლთან ხომ ახლოა ზღვა და
და ჩემს სახლიდან, მოსჩანს გემებიც.
ვიცი ოდესმე ერთად ვიქნებით
ჩემთვის ერთხელაც აგეტირება,
მაგრამ ვხვდები რომ შენზე ფიქრები,
ზღვაში გემივით ჩაიძირება.
რომ შემომხვიე ბოლოს ხელები,
რატომ წახვედი, უჩუმრად ასე,
თითქოს ზღვა იყოს შენი ცრემლები
და ეს გემები დაცურავს მასზე.
მარტოდ დამტოვე, მე ტანჯვა მახლავს,
და დაბრუნება შენი რთულია,
და ეს ზღვა ჩემთვის შენა ხარ ახლა
და ეს გემები სამკაულია.
ვდგევარ ზღვის პირას და ისევ ვხედავ,
ხელგადახვეულ ბარბაცა მთვრალებს,
ეხლა მთებიდან ამოდის მზე და
და ზღვაში ჩადის, ფერმკრთალი მთვარე.
იქ მინდა ახლა, შენა ხარ სადაც,
მე ჩამეშალა ისევ გეგმები,
და ჩემს სახლთან ხომ ახლოა ზღვა და
და ჩემს სახლიდან, მოსჩანს გემებიც.
|
