|
ზღვაზე
ტალღები კვლავ აგორდება,
ქუჩაში ვიღაც გიჟივით დადის
შენს თვალებს სევდა რად არ შორდება
რად არ შორდება შენს თვალებს დარდი.
თებერვალია
და სიცივეა
და გარეთ ისევ ლამაზად ბარდნის
შენი ტკივილი რარიგ მძიმეა
და ეს ცხოვრებაც რა ჩქარა გადის.
თუმცა შენამდე ძალზედ შორია,
მთელი სამწარო შემოვიარე,
რად არ მიყვები შენს ისტორიას
და დარდი რად არ გამიზიარე.
შენს თავზე მეტი ვინ გავიხსენო,
ვიცი გრძნობები გაქვს დასერილი,
ეხლა ჩვენს შორის ფიქრი დგას მხოლოდ
და ქარებს მოაქვთ ჩემთან წერილი.
ზღვაზე ტალღები კვლავ აგორდება,
ქუჩაში ვიღაც გიჟივით დადის
შენს თვალებს სევდა რად არ შორდება
რად არ შორდება შენს თვალებს დარდი.
|
