ხედავთ რუსებს გავუშალეთ
ისევ ფრონტის ხაზები,
იმან კიდევ გაუთიშა
მთელს ევროპას გაზები.

ჩემს ეზოში სამი ბავშვი
თამაშობს ომობანას,
ჩვენ თუ ჩვენ თავს არ მივხედეთ,
ვინ გვიშველის? ობამა?

მარჩიელობ თუ მკითხაობ
ან ხარ ნოსტრადამუსი,
კაცი მაინც ვერ გახდები
თუკი არ გაქვს ნამუსი.

მივდიოდი მე ჩემს გზაზე
ქვას წამოვკარ ფეხი,
ცუდი თვალით ვინც შემხედა
მას დაეცეს მეხი.

ყველა კაცი კაცი არის
ყველა ვაცი ვაცია,
ყველა ქალი ქალი არის,
ვისაც კაბა აცვია?

ქალს თუ კაცი შეუყვარდა
ან კაცს კიდევ ქალიო,
ან ერთია დაბოლილი
ან მეორე მთვრალიო.

მე შენ გუშინ რომ მითხარი
დაგიღია პირიო,
მართლა პირი რომ დავაღე
ხომ დაგიჯდა ძვირიო?