ჩემო ტკბილო მეგობარო,
შენი ნახვა მენატრება;
ჩემო ტკბილო მეგობარო,
გული რაზე გიღონდება!...

ვიცი, ვიცი, ვეღარ გნახავ,
გულს მედება სინანული.
შენ ვარდები გიკრეფია,
მე კი შენი სიყვარული...

ყოველდღე და ყოველღამე
გულს დარდები ეტანება.
შენთან მინდა სიკვდილამდე
სიცოცხლე და ნეტარება.

შენთან მინდა ტრფიალებით
სიხარულის ცრემლი ვღვარო.
ჩემო ტკბილო მეგობარო,
გაფურჩქვნილო, დაუმჭკნარო!

რა ხანია მე შენ სახეს,
ვუმზერ, მზეს, რომ ედარება,
სიკვდილამდე შენთან მინდა
სიცოცხლე და ნეტარება.

დაგეძებ და სად ხარ ნეტავ,
ახლაც შენზე ვდარდიანობ.
ნატვრის თვალად გაჩენილო,
გოგოვ, ბაგევარდიანო!...